Google ADS

“Pa këtë luftë, Europa nuk do të jetë kurrë e sigurtë”, thotë Ministri i Mbrojtjes në Ukrainë

07:56 | 27 Shkurt 2022
Trina Galanxhi

Qeveria e Ukrainës është duke e inkuadruar rezistencën e vendit ndaj Rusisë si një luftë për të siguruar të ardhmen e Europës.

Në një postim të gjatë në Facebook, Ministri i Mbrojtjes Oleksiy Reznikov lavdëroi ushtarët, policët, stafin mjekësor dhe gjithashtu civilët që kanë marrë armët, transmeton portal arbresh.info

“Hidhni një sy përreth. Shumë e kanë mposhtur më në fund frikën dhe kanë guxuar të sfidojnë Kremlinin,” shkroi Reznikov.

“Ku janë të gjithë ata që premtuan se do të pushtonin Kievin brenda dy orësh? Unë nuk mund t’i shoh ata”, shtoi ai.

Megjithatë, ai ka shtuar se sfidat mbeten, njerëzit nga e gjitha bota po shohin atë që po ndodhë dhe se “ndihma që ishte e pamundur tre ditë më parë tani është në rrugë”.

“Pa këtë ushtri dhe pa popullin tonë, Europa nuk do të jetë kurrë e sigurtë. Pa ne Europa thjesht nuk do të ekzistojë”, shtoi ai./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm